مو طبيعي ...
من شفت الحبيب تخربط الحال
ووكع كَلبي باديه كزاز واتطشر
صرت مشلول كلي من الجدم للراس
خايف ما أعجبه وراية يتغير
باوعني بعيونه .. وهيه هم عيون
ذوبني .. وأحس إشعاعه الليزر
خوبينه الوجه لا مو وجه إنسان
بيه رسم الجنان وبيه ألف منظر
ولتذكروني ما اريد احجي عن الطول
من يوكَف أحس بيه الأرض تفتر
ما اكَدر أوصف مشية الرجلين
لان يمشي على روحي وفوكَي يتبختر
أحسنه بسواد همومي يتكحل
وأحسنه بحمار دماي يتحمر
اكو بعض البشر من الحلو يغارون
ويحسدوه ويكَوم بثوبة يتعثر
بس محبوبي من عنده الجمال يغار
ويريد يصير مثله وروحة تتحسر
وك محبوبي هذا مخبل انته شبيك
هذا المنه كل الكون يتعطر
علي من مر حبيبي سوه بي شغلات
ما اكَدر أعدهن لو بالف دفتر
شكد شايف انه بهذا الزمن أشكال
بس بعمري ما شايف كَمر اسمر
~~~~~~~~~~~~~~~~~
