هاي القصيده لنجم الشعر الهزلي (رياض الوادي)
صار كومه سنين ناكل بالطحين
وهسه كشفوها الجماعه من جديد
فحصوا الوزنه وطلع بيها حديد
يعني اذا كل وزنه بيها كيلوين الحديد انطبع بضلوعي طبع
وانت اذا تحسبها بالحساب الدقيق انت هسه ماكل شباك وربع!!!!
صار وضع الخبزه جداً ما مريح
الخبزه بس نلزكها تتخربط تطيح
ادري بالله شلون نرجع للشعير
لو الخبزه نكوم نلزكها بلأمير!!!!
اني خايف بالشكر يطلع براغي!!
ونفحص التمن تطلع تايرات!!
سبانه عشره خاف الكه بالحليب!!
وبالعدس تطلعلي كومه وايرات!!
اخاف بالصابونه تطلعلك دكم!!!
وباستكان الجاي تطلع ماسحات!!!
هاي مو حصه انلعب بيها فلك
اخاف حصتنا الجديده نستلمها من السنك
