قصيدة البنات للشاعر عادل محسن

البنـــــــــــــات
لا ادكولون الذنب ذنب البنات
و بالهوا تكولون ماعندهن وفا
كلوبهن ترفه ورقيقات النساء
الله خالقهن حنان و عاطفه
الف هنياله اليحب طيبة صفات
والف هنياله العلى ايديها غفا
رقه واحساس ووفا وطيبه وجمال
ليش ادم ماحمل هاي الصفه
لاتكولون الذنب ذنب البنات
وبالهوا تكولون ماعدهن وفا
على كيفك وي قوارير الزجاج
ولاتخليها بمهب العاصفه
بهيده ويا حواء مو ذني البنات
جفوفهن لجروحنا بيهن شفا
تدري شيحس الكلب لو هن يوم
يمرن كبالك طيور مجنفه
وتدري عينك تفرح وبيهن تشوف
لوحه من ربك جميله مزغرفه
لاتكولون الذنب ذنب البنات
ولاتكولون بالهوا ماعدهن وفا
كلوبهن ترفه ورقيقات النساء
الله خالقهن حنان وعاطفه
انت يلي تكول باعتني برخيص
انت مو كد الهوا وماتعرفه
الغزال رهيم وبسرعه يطيح
من تتعبه وفوك حمله تكلفه
الذنب ذنبك انت للفركه اعتنيت
وجان كلب الحلوه بيدك واختفا
هي جانت كمر وبدربك ينور
وانت خليت الكمر بيدك طفا
لاتكولون الذنب ذنب البنات
وبالهوا تكولون ماعدخن وفا
وك وانت يلي تكول ماوافت وياي
اساْلت روحك ليش لمن عافتك
جان مابعدت ولا عنك تروح
كونك تحبها مثل ماحبتك
تذكر العشره وبدايتها الدموع
وذيج لهفتها ال تعادل لهفتك
لاتشهر بالحبايب بالكلام
واذكر جفوف الي مسحت دمعتك
احفظ السانك ترا باجر تعود
ترا الصحبه حوبه ولاتضيع صحبتك
خلي خط رجعه ولاتبغض عزيز
يعود للروح العشك مهما اختفى
لاتكولون الذنب ذنب البنات
وبالهوا تكولون ماعدهن وفا
كلوبهن ترفه ورقيقات النساء
الله خالقهن حنان وعاطفه
تزعل الحلوه الرقيقه بلا ذنوب
وتنتظر منها تجيك وتعتنيك
من يكول اللهفه متمر بيها يوم
ومن يكول الحلوه ماتشتاك ليك
الحبيبه الجنت تشتمها ورود
لاتخليها الم تصبح عليك
اشتريها بكلمه واصدق بالكلام
اضحي الك بالدنيا كلها وتشتريك
المهره يهل الهوا من خيالها
وماتكرب للضعيف كبالها
الخسرها يكول خانتني وبقيت
والربح شاطر ويصغن مالها
طيور جنه وتمشي عالكاع البنات
واليزعلهن قليل المعرفه
هنه النا واحنا الهن للممات
بغير عشه الطير مانام ودفه
لاتكولون الذنب ذنب البنات
ولاتكولون بالهوا ماعدهن وفا
كلوبهن ترفه ورقيقات النساء
الله خالقهن حنان وعاطفه

على كيفكم ويانة عمي
احنة شكايلين
اويلي عادل محسن اذا الكفةة
منين جابنة هل قصيدة
هههههههههههههههههههه
شكرا علة الكتابة

ليش يابة شدعوة يعني حرام واحد ينمدحنة
لو انتو تريدوهة كلهة الكم
اويللللللي عليكم

منو رادهة كلهة الة
ابة واللة راضين الكم الكم
شكو بيهة انو تستاهلون اكثر من المديح

اي هيج خليك حباب
شكرا على الردود